Stad Kaapstad werf nog buurtwaglede

Stad Kaapstad se departement vir wetstoepassing werf nog vrywilligers. Geakkrediteerde buurtwaglede wat in die aanvullende program belangstel, word genooi om aansoek te doen. Die stad spog tot dusver met ‘n groep van 112 vrywilligers. Die burgemeesters-komiteelid vir veiligheid en sekerheid, JP Smith, sê vrywilligers ondergaan ‘n streng keuringsproses, voordat hulle opgelei word in die Strafproseswet en op ander gebiede. Smith voeg by suksesvolle kandidate sal die veiligheid in hul eie gemeenskappe verder versterk.