Twee nuwe raadslede vir TransNamib aangestel 

Die minister van finansies en waarnemende minister van openbare ondernemings, Iipumbu Shimi, het Johanna Hatutale en Pombili Ndeunyema vir die volgende drie jaar in die TransNamib-raad aangestel. Hulle vervang Lionel Matthews en Sigrid Tjijorokisa wat vandeesmaand uit die raad bedank het. Intussen het die woordvoerder van TransNamib, Abigail Raubenheimer aan Kosmos 94.1 Nuus bevestig dat onderhandelinge tussen TransNamib en die betrokke vakbond Natau vandag hervat het en steeds voortduur.