Sikloon op pad na Indië

Terwyl Indië sukkel met ‘n ongekende tweede vlaag Covid-infeksies blyk daar om geen ruskans vir die land te wees nie. Ongeveer 150 000 mense in die Gujarat-provinsie is verskuif met ‘n sikloon, een van die sterktes in meer as 20 jaar, wat op pad is. Die land se weerdiens sê die winde van tot 200 kilometer per uur sowel as die gepaardgaande reën maak die sikloon gelykstaande aan ‘n kategorie 3 orkaan. Daar word verwag dat die sikloon Tauktae later vandag Gujarat sal bereik. Die provinsie meld ongeveer 10 500 nuwe gevalle van Covid daagliks aan. 


Leave a Reply

Your email address will not be published. Required fields are marked *