Rusland is terroristestaat – Oekraïne

Oekraïne se ambassadeur by die Verenigde Nasies, Sergiy Kyslytsya, het Rusland as ‘n terroristestaat beskryf. Dit volg ná Russiese missielaanvalle Maandag op talle Oekraïnse stede, insluitend die hoofstad Kiëf, waarin minstens 14 burgerlikes dood en meer as 90 beseer is. Kyslytsya sê dis ‘n oorlogsmisdaad om doelbewus burgerlikes te teiken. Hy sê Rusland het met die missielaanvalle op burgerlikes weer eens bewys hy is ‘n terroristestaat wat ten alle koste gestuit moet word.