Ramaphosa se ANC-tak steun hom vir tweede termyn

Die ANC-president Cyril Ramaphosa het erken dat hy die party tydens ‘n onstuimige tydperk gelei het, maar sê hy het sy bes gedoen. Hy het Sondag deelgeneem aan sy tak se algemene vergadering in Soweto. Die tak het hom vir ‘n tweede termyn benoem en Paul Mashatile as adjunkpresident. Ramaphosa sê hy doen sy bes om die land se probleme aan te spreek.

Intussen sê Ramaphosa die finansiële bronne van politieke partye, veral die ANC, het opgedroog. Die party sukkel om sy finansiële verpligtinge soos personeel se salarisse en belastings na te kom. Ramaphosa sê hulle is daartoe verbind dat mense wat vir ANC werk, betaal moet word.