Prins Harry gaan VN op Nelson Mandeladag-vieringe toespreek 

Prins Harry gaan die Verenigde Nasies Maandag in New York as deel van die Nelson Mandeladag-vieringe toespreek. Vanjaar se Nelson Mandeladag-slagspreuk is “Doen wat jy kan, met wat juy het, waar jy is”. Harry en sy vrou Meghan Markle, hertogin van Sussex, is volgens mediaberigte gretig om wyle oudpresident Mandela te vereer, sedert hulle sy weduwee, Graca Machel, in 2019 besoek het. Harry se ma, prinses Diana, het Mandela in Maart 1997 in Kaapstad ontmoet, net vyf maande voor haar tragiese dood.