Pous vra ook vir veilige roete vir Swartsee-graanJuly 31, 2023

Pous Franciskus het ‘n beroep op Rusland gedoen om die Swartsee-graanooreenkoms te hervat. Die ooreenkoms, wat in Julie verlede jaar deur Turkye en die Verenigde Nasies bemiddel is, het Oekraïne toegelaat om ondanks die oorlog, graan per see uit te voer. Sedert Moskou op die 17de van hierdie maand aan die ooreenkoms onttrek het, was daar ‘n vlaag aanvalle op graanvoorrade in sleutel Oekraïnse stede, insluitend die hawestad Odesa, met 60 000 ton graan wat vernietig is. Pous Franciskus het ‘n beroep op die wêreld gedoen om voort te gaan om vir Oekraïne te bid.