New Yorkse rubriekskrywer gaan voort met klag teen Trump 

Die New Yorkse rubriekskrywer, E. Jean Carroll, wat oudpresident Donald Trump beskuldig dat hy haar in die 1990’s verkrag het, beplan ‘n nuwe regsgeding teen hom. Sy het Trump in 2019 vir laster gedagvaar en beweer hy het haar reputasie geskaad deur haar soos ‘n leuenaar te laat lyk toe hy ontken dat hy haar verkrag het. New York het in Mei ‘n wet goedgekeur wat volwasse seksuele slagoffers ‘n eenmalige geleentheid gee om siviele hofsake aanhangig te maak al het die verjaringstydperk verstryk.