Minstens twee dood, 115 beseer in supertifoon Nanmadol

Minstens twee mense is dood en sowat 115 ander beseer sedert tifoon Nanmadol in Japan woed. Reddingswerkers het die publiek gewaarsku dat modderstortings en oorstromings nog kan voorkom. Sowat nege miljoen mense is aangeraai om hul huise te verlaat en in ‘n stadium was meer as 350 000 huishoudings sonder krag. Die supertifoon het huise vernietig en verkeer en sakeondernemings ontwrig. Die storm is sedertdien afgegradeer tot ‘n tropiese storm terwyl dit na die Stille Oseaan beweeg het.