Krylov en Engelbrecht vandag gevonnis

Die Rus Alexander Krylov en die Namibiër Anna Engelbrecht word vanoggend in die hoërhof gevonnis na hulle in Februarie skuld bevind is aanklagte van verkragting en mensehandel. Regter Claudia Claasen het Krylov skuldig bevind op tien aanklagte van verkragting en tien aanklagte van mensehandel, asook ‘n aanklag van die verskaffing van sigarette aan kinders onder die ouderdom van 18. Sy het Engelbrecht skuldig bevind op drie aanklagte van verkragting en drie aanklagte van mensehandel. Die 62-jarige Krylov het erken dat hy gedurende 2017 met minstens vyf minderjarige meisies seks gehad het, maar het ontken dat hy enige van hulle verkrag het. Die twee het tereggestaan op 42 aanklagte van verkragting en mensehandel, benewens ‘n aanklag dat hulle minderjariges van sigarette voorsien het.