Koste van huislenings wek kommer

Huiseienaars word gemaan om skuldvlakke so ver as moontlik af te bring om sodoende hulle paaiemente te kan bekostig. Kenners voorspel dat daar volgende jaar nog verhogings in die repokoers kan wees, al sal die aanpassings nie so groot soos vanjaar wees nie. Bekostigbaarheid het in die afgelope jaar onder druk gekom en eiendomslenings het vanaf 8,5 persent in November verlede jaar tot 11,5 persent vandeesmaand gestyg. Berekenings toon dat sedert November verlede jaar het maandeliks paaiemente op ‘n 2 miljoen Namibiese dollar lening met amper 4 000 dollar gestyg. Huiseienaars moet verseker dat hulle genoeg besteebare inkomste oor het vir voedsel en brandstof, wat self styg.