Klopp hou Salah en Van Dijk fyn dop

Sokker: Liverpool se bestuurder, Jurgen Klopp, hou Mohamed Salah en Virgil van Dijk se fiksheid fyn dop terwyl hulle voorberei vir hulle moet-wen Premierliga-wedstryd teen Southampton môre. Die Reds het nuwe hoop geskep dat hulle die titel kan inpalm nadat Pep Guardiola se span Manchester City, gister twee punte misgeloop het en gelykop gespeel het teen West Ham. Die verdedigende kampioen City is vier punte voor, met een wedstryd oor en het ‘n baie beter doelverskil as Liverpool, wat twee wedstryde oor het.