Kaptein Kolisi bedank Bokke se ondersteuners

Rugby: Die Springbok-kaptein Siya Kolisi het sy span se ondersteuners in Suid-Afrika en Australië bedank na hulle eerste oorwinning oor die Wallabies Doer Onder sedert 2013, en hul eerste oorwinning in Sydney sedert 1993. Die Springbokke het Australië met vier drieë teen een oorrompel vir hul tweede oorwinning in die Rugby-kampioenskap in 2022. Kolisi verwag ‘n groot aanslag van Argentinië teen wie hulle oor twee weke in Buenos Aires te staan kom. Die All Blacks was vroeër Saterdag ook weer op die wenpad met ʼn bonuspunt-oorwinning van 53-3 oor Argentinië in Hamilton, Nieu-Seeland.