Kaapstad Toerisme sien uit na goeie seisoen

Kaapstad Toerisme berei voor vir ‘n uitstekende seisoen. Die Moederstad verwag tussen November en Desember 184 internasionale vlugte per week. Dit sal tussen Januarie en Maart volgende jaar tot 191 vlugte per week toeneem. Dit kom neer op ongeveer 1,56 miljoen tweerigting-sitplekke tussen November en Maart volgende jaar, wat 7,9 miljard Suid-Afrikaanse rand aan toerisme-besteding sal verdien. Die burgemeesters-komiteelid vir ekonomiese groei, James Vos, bevestig mense en bestemmings vorm die kern van Kaapstad se toerisme-aanbod.