Kaapse vrou staan tereg op 50 aanklagte van wanbesteding van R9 miljoen

Die saak teen die Kapenaar, Sandra Robinson, wat teregstaan op 50 aanklagte wat verband hou met wanbesteding van nege miljoen rand en 20 klaers, sal volgende maand hervat word in die handelsmisdaadhof in Bellville. Sy het onskuldig gepleit op die aanklagte rakende oortredings wat tussen 2009 en 2015 gebeur het. Robinson het blykbaar aan voornemende beleggers beweer haar vleisonderneming lewer ‘n omset van ongeveer 38 miljoen rand per maand, haar familietrust is 30 miljoen rand werd en sy het bande met die bekende Suid-Afrikaanse sakepersoon, Johann Rupert.