Optog na Russiese ambassade was vreedsaam
‘n Vreedsame protesoptog teen Rusland se inval in die Oekraïne het vanoggend in die hoofstad plaasgevind. Betogers het na die Russiese ambassade gemarsjeer, maar ‘n petisie is nie oorhandig nie. ‘n Namibiër wat aan die protesoptog deelgeneem het, Ronel Lewies, gesels met Kosmos 94.1 Nuus.
Jy kan nou geld verdien deur speletjies te speel
Die jong Suid-Afrikaanse speletjie-tegnologie-onderneming, Skrmiish, maak weer wêreldwyd nuus. Die maatskappy gaan in vennootskap met ander speletjie-reuse dit vir spelers moontlik maak om geld te verdien uit die ure wat hulle speel. Die besturende direkteur van Skrmiish, Chris Heaton, sê die vennootskap is ‘n deurbraak en sal spelers in staat stel om geld te maak […]
SA vervoerminister sê Padongelukkefonds is in haglike finansiële situasie
Die Suid-Afrikaanse vervoerminister, Fikile Mbalula, sê die Padongeluksfonds se haglike finansiële situasie vereis skeppende maniere om te verseker die belastingbetaler kry waarde uit sy belegging deur die brandstofheffing. Hy het die groenlig gegee vir ‘n nuwe sake-bedryfsmodel. Mbalula sê meer as 17 miljard rand van die inkomste wat die fonds insamel gaan aan administrastiewe koste, […]
Oekraïne se grootste energiemaatskappy vra lande om nie gas of olie by Rusland te koop
Oekraïne se grootste energiemaatskappy, Naftogaz, vra lande om op te hou om gas en olie van Rusland te koop. Die voorsitter, Yuriy Vitrenko, het gesê sanksies behoort energie regstreeks te teiken. Hy sê ten einde die oorlog te beëindig behoort Westerse sanksies die afhanklikheid van Russiese energie te staak. Vitrenko het Duitsland se besluit verwelkom […]
Dierewelsynsgroep ontsteld oor jagkwotas
Die diere-welsynsgroep, Humane Society International, is ontsteld oor die Suid-Afrikaanse omgewingsdepartement se aankondiging oor Suid-Afrika se jag- en uitvoer-kwotas vir 150 olifante, tien swart renosters en tien luiperds. Die natuurlewe-direkteur, Audrey Delsink, sê die departement se aankondiging was voortydig weens die bedryf se voorneme om die lot van bedreigde spesies en diere in gevaar uit […]
Eksamenuitslae van NSSCO en NSSCH Legacy-kurrikulum Donderdag bekend
Die onderwysministerie het aangekondig dat eksamenuitslae van die Namibiese Senior Sertifikaat Gewone Vlak en Namibiese Senior Sertifikaat Hoërvlak Legacy-kurrikulum vir deeltydse kandidate op Donderdag 10 Maart net na middernag beskikbaar sal wees. Altesaam 40 362 kandidate se uitslae sal via SMS, gedrukte media of op die onderwysministerie se webtuiste beskikbaar wees.
Stigter van Lewcor-groep sterf in ongeluk
Die stigter van die Namibiese Lewcor-groep, die 71-jarige Chris Lewis, is in ‘n motorongeluk dood. Volgens die Namibiese polisie het die ongeluk gistermiddag sowat 18 kilometer buite Okahandja op die pad tussen Ovitoto en Okahandja, Lewis en ‘n passasier, die 21-jarige Beno Snewe, se lewens geëis. Lewis het glo beheer oor die voertuig op ‘n […]
Oos-Europa: Daar klim kunsmis ook
Die hoofekonoom van die Landbou-sakekamer van Suid-Afrika, Wandile Sihlobo, sê sanksies weens die Russies-Oekraïense konflik sal reeds hoë kunsmis-pryse onder nog groter druk plaas. Hy sê hy is veral bekommerd oor wintergewasse soos koring, gars, canola, en hawer. Dié gewasse word einde April geplant. Boere en landbou-ondernemings wat nie reeds genoeg voorraad het nie, kan […]
Minder as helfte Namibiërs weet van klimaatsverandering
Afrobarometer se jongste peiling toon dat 45 persent van Namibiërs weet van klimaatsverandering – die res het nog nie daarvan gehoor nie. Onder die wat wel daarvan weet meen helfte dat dit die lewe moeiliker sal maak maar, sewe uit tien glo elke persoon kan ‘n verskil maak. Twee derdes meen die regering moet ingryp, […]
Vragskepe skort ook dienste na Rusland op
Eienaars van vragskepe soos Maersk en die Mediterranean Shipping Company het besprekings na en van Rusland tydelik opgeskort na aanleiding van die Russiese inval in Oekraïne. Maersk sê in ‘n verklaring sanksies beïnvloed steeds die bestendigheid en veiligheid van bedrywighede en slegs voedsel, mediese en humanitêre voorrade word as vrag na Russiese hawens toegelaat. In […]