Johannesburg wil drie dae vrywaring van beurtkrag hê

Die burgemeester van Johannesburg, Mpho Phalatse, het namens City Power vir Eskom versoek om die stad drie-dae se vrywaring van beurtkrag te gee. Dit is om die naderende onafwendbare uitdaging van toenemende foute en onderbrekings ná stortreën die hoof te bied. Die burgemeesterskomiteelid vir die omgewing en infrastruktuurdienste, Michael Sun, sê hoewel vordering gemaak word met beperkte hulpbronne om aandag te gee aan die duisende onderbrekings wat sedert verlede week se oorstromings voorgekom het, beteken voortdurende reënval dat meer foute elke uur aangemeld word.