Formule 1 Sondag ná drie jaar terug in Singapoer

Motorsport: Formule Een is ná drie jaar terug in Singapoer, met Max Verstappen van Red Bull wat ‘n tweede agtereenvolgende wêreldkampioenskap kan beklink. Verstappen het vyf wedrenne na mekaar gewen en kan die titel verseker met vyf wedrenne wat oorbly, indien hy Sondag in Singapoer wen. Dit hang ook af van sy naaste mededingers, Charles Leclerc en Sergio Pérez se uitslae. Verstappen was vroeër hierdie seisoen ontevrede oor die balans van sy motor in Monaco, maar verwag nie soortgelyke probleme in Singapoer nie.