Erasmus, SA Rugby appelleer

Rassie Erasmus en SA Rugby het in ‘n gesamentlike verklaring gesê dat beide partye hulle regte tot appèl sal uitoefen op Erasmus se twee-maande lange skorsing deur Wêreld Rugby. Die beheerliggaam het bevind dat Erasmus, die direkteur van SA Rugby, hom wangedra het teenoor wedstrydbeamptes tydens vanjaar se toetsreeks tussen Suid-Afrika en die Britse en Ierse Leeus. Hy mag tot 30 September 2022 by geen wedstryd-aktiwiteite, insluitend afrigting, betrokke wees nie. Daar is ook bevind dat hy verskoning moet vra aan die betrokke wedstrydbeamptes vra en SA Rugby is met 20 000 pond beboet. SA Rugby en Erasmus sê verder hulle sal geen kommentaar lewer tot hulle appèlproses afgehandel is nie.