Dronk-aanmerking kos Kyrgios N$400 000

Die Australiese ster Nick Kyrgios het ‘n einde gebring aan regsoptrede teen hom deur ‘n toeskouer by Wimbledon nadat hy haar van dronkenskap beskuldig het toe hy in vanjaar se eindstryd teen Novak Djokovic verloor het. Die Poolse prokureur Anna Palus sê die vals aantyging het haar en haar familie erge skade en ontsteltenis berokken. Om te keer dat hy hof toe gesleep word, het Kyrgios ingewillig om meer as 400 000 Namibiese dollar te skenk aan ‘n hospitaalliefdadigheid van Palus se keuse. Hy het ook ‘n openbare verskoning uitgereik.