DeSantis ongedeerd na motorongeluk

Ron DeSantis, wat hoop om in die Amerikaanse presidentsverkiesing te staan, is ongedeerd ná ‘n motorongeluk in Tennessee. Vier motors in sy motorstoet het glo gebots toe die verkeer stadig begin vloei het. Florida se 44-jarige goewerneur hoop om die Republikeinse benoeming in volgende jaar se verkiesing te wen teen oudpresident Donald Trump, wat na die Withuis wil terugkeer. DeSantis word glo beskou as Trump se vernaamste uitdager, maar slegs 22 persent het hom in ‘n onlangse peiling verkies, met 51 persent wat vir Trump ondersteun.