Christiaan Bezuidenhout speel by 40ste Nedbank-uitdaagtoernooi

Gholf: Christiaan Bezuidenhout sal in November by ‘n sterk Suid-Afrikaanse groep op die Gary Player Gholfklub aansluit vir die 40ste Nedbank-uitdaagtoernooi. Bezuidenhout keer terug na Sun City met goeie herinneringe van sy sege in die 2020 Suid-Afrikaanse Ope op dié gholfbaan. Die 28-jarige sluit aan by ‘n groep wat reeds sy landgenote, Dean Burmester en Thriston Lawrence insluit, asook die verdedigende kampioen Tommy Fleetwood van Engeland en die Amerikaner, Will Zalatoris.