Chinese boerpotwenner steek sy prysgeld vir sy gesin weg

‘n Chinese man wat die lotto gewen het, het sy prysgeld vir sy vrou en kinders weggesteek omdat hy wou keer dat hulle lui word. Die man, wat net as Meneer Li bekend staan, het ‘n boerpot van 550 miljoen Namibiese dollar gewen. Alhoewel hy oorstelp van vreugde was, wou hy sy identiteit beskerm en ook die wengeld van sy gesin weghou, omdat hy bang was dat hulle sou lui raak. Die man het alleen opgedaag om sy prysgeld by die lotery se kantoor in Nanning in die suidelike deel van Guangxi te gaan haal. Hy was geklee in ‘n helder geel kostuum wat sy gesig verberg het. Hy het 5 miljoen dollar aan liefdadigheid geskenk en sê hy weet nog nie wat hy met die res gaan doen nie.