Die gevaar van volksmoord in Soedan se verwoestende burgeroorlog is “baie hoog”, sê die Verenigde Nasies, te midde van die paramilitêre Rapid Support Forces se voortdurende etnies gemotiveerde aanvalle. ‘n Magstryd woed vanaf April 2023 tussen weermaghoof, Abdel Fattah al-Burhan, en die RSF se bevelvoerder, Mohamed Hamdan Daglo. Die VN-hoof Antonio Guterres se ondersekretaris-generaal en waarnemende spesiale raadgewer oor die voorkoming van volksmoord, Virginia Gamba, sê wat veral van toepassing is rakende haar mandaat, is die voortgesette en geteikende aanvalle teen sekere etniese groepe, veral in die Darfur- en Kordofan-gebiede.