Bewerings van seksuele wangedrag teen New Yorkse professor

Die vooraanstaande uitvoerende kunste-skool in New York, Juilliard, het ‘n professor op verlof geplaas na bewerings van seksuele wangedrag. Die 68-jarige Robert Beaser moes verlof neem op dieselfde dag as wat sowat 500 musikante en klassieke musiek-leiers ‘n ope brief onderteken het wat optrede vra oor sy beweerde dekades-lange misbruik van vroue en mag. Die aantygings wissel van herhaalde seksuele toenadering tot verhoudings met studente van die laat-1990’s tot 2000. Beroemdes wat aan Julliard studeer het sluit in Robin Williams, Barry Manilow, Jessica Chastain en Yo-Yo Ma.