Bekende sakeman van Otji in hospitaal met brandwonde

Die bekende sakeman van Otjiwarongo, Theo Borstlap, eienaar van SuperSpar, is in ‘n kritieke toestand met 60 persent brandwonde in die intensiewesorgeenheid van die Lady Pohamba Privaathospitaal in Windhoek. Sy skoonseun, die bekende Namibiese fietsryer, Jacques Celliers het aan Kosmos 94.1 Nuus gesê hulle het Donderdag petrol in ‘n miershoop ingegooi. Die miershoop het krake gehad en petrol het aan die agterkant uitgeloop teen elektriese heining. Volgens Celliers het dit ‘n vonk gemaak en ‘n ontploffing het gevolg. Borstlap het graad 1 en 2-brandwonde aan die voorkant van sy liggaam opgedoen.