Die Windhoekse munisipaliteit het ‘n nuwe opleidingsveldtog vir afvalbestuur in die hoofstad van stapel gestuur. Rommel kan nou vir kontant ingeruil word in ‘n poging om herwinning te bevorder en ‘n skoon stad te verseker. Herwinbare rommel soos blikkies, plastiek, bottels en papier word per gewig by die munisipaliteit se sentrum in Hans-Dietrich Genscherstraat in Windhoek teruggekoop.