Die regering het meer as 101 miljoen Namibiese dollar in totaal aan sowat 23 200 boere uitbetaal as deel van die aansporingsprogram vir die bemarking van lewendehawe. Meer as 25 400 subsidie-eise is sedert Oktober 2023 ingedien, sê eerste minister Elijah Ngurare. Eise van bykans nege miljoen dollar in totaal word nog verwerk, sê Ngurare. Die subsidies dek onder meer die huur van weiveld, voer, lek en vervoer, en word deur die Nasionale Noodrampfonds befonds.