Author: darren

Die Namibiese Regbank het aangekondig dat die voorverhoor van die Fishrot-saak wat môre in die Hoërhof begin, nie regstreeks uitgesaai sal word nie. Verrigtinge is oop die lede van die media en die publiek. Selma Mwaetako, die Skakelbeampte by die Regbank het met Kosmos 94.1 Nuus gepraat.

‘n Groep omgewingsaktiviste van die drukgroep Protect The West Coast het ‘n vreedsame betoging gehou teen die ontginning van die strand by die Torminmyn naby Brand se Baai aan die Weskus. Hulle het ook ‘n griefskrif aan ‘n verteenwoordiger van die Australiese mynmaatskappy, die Mineral Sands Resources, oorhandig. Die leier van die betoging, Mike Schlebach, sê hulle het ook ‘n veldloop van 102 kilometer deur die betrokke gebied gehou. Hy sê hulle wil met die veldloop en betoging die publiek se aandag op die kwessie vestig:

Phillip Lühl se regsverteenwoordiger Uno Katjipuka het met Kosmos 94.1 Nuus gepraat oor die pad vorentoe nadat die Hoë Kommissariaat in die buurland geweier het om hom by te staan met ‘n aansoek vir noodreisdokumente vir sy tweeling dogters. Namibiese amptenare in die buurland het hom na Windhoek verwys. Katjipuka…

‘n Nuwe variant van Covid, wat ook hoogs aansteeklik is en as ‘n dubbele mutasie beskryf word, is in Indië geïdentifiseer. ‘n Navorser in die veld van aansteeklike siektes in die land Gautan Menon sê die variant, B-1-617 is verantwoordelik vir die vinnige toename in gevalle.

Die Europese Medisyne-agentskap met sy hoofkantoor in Amsterdam in Nederland beveel aan dat ‘n waarskuwing oor seldsame bloedklonte en ‘n lae bloedplaatjie-telling op die produk-inligting van Johnson en Johnson se Covid-19-entstof ingesluit word. Agt ernstige gevalle van seldsame bloedklonte wat verband hou met ‘n lae bloedplaatjie-telling, is na inenting by vroue in Amerika aangemeld. Een van hulle het daarvan gesterf. Emer Cooke van die medisyne-agentskap sê in al die gevalle was die vroue jonger as 60 en het die bloedklonte binne drie weke ná die inenting gevorm…

Die dwelmeenheid van die Namibiese polisie het dwelms van meer as ‘n miljoen Namibiese doller gedurende Maart gekonfiskeer en 106 verdagtes in hegtenis geneem. Net meer as 91 kilogram dagga met ‘n beraamde straatwaarde wan 911 800 doller is gedurende die maand gevind. Kokaïne ter waarde van net minder as 6 000 doller is ook gevind. Daar is 102 Namibiërs, 1 Angolees, 2 Zambiërs en 1 Nigeriër vas vir oortredings. 

Die Namibiese Regulerende Raad vir Medisyne het opdrag aan dokters en aptekers gegee om onmiddellik te staak met die voorskryf of verskaffing van Ivermektien as ‘n behandeling vir Covid-19. Ivermektien is nie as menslike medisyne in Namibië beskikbaar nie en net die veeartseny produk is beskikbaar. Besighede wat die produk verskaf het aan plaaslike media gesê dat hulle voorraad op ‘n stadium opgeraak het. Die Wêreldgesondheidsorganisasie se ondersoek na die effektiwiteit van die middel teen Covid het onoortuigende uitslae getoon. Daar is medici in die land wat glo dat die middel, wat eintlik ontwerp is om parasiete in diere te behandel, effektief is teen Covid. Daar is ‘n menslike middel ontwikkel wat op die vasteland vir die behandeling van parasiete benut word maar dit is nie kommersieel plaaslik beskikbaar nie. 

‘n Boer van Limpopo het na 18 jaar uiteindelik daarin geslaag om sy plaas op sy naam te laat oordra. David Rakgase is in 2002 ingevolge die Grond-herverspreiding vir Landbou-ontwikkelingsprogram die keuse gegee om Nooitgedacht te koop, maar die regering het daarna kop uitgetrek. Die DA Parlementslid Annette Steyn sê die koop-ooreenkoms is eers onderteken nadat die Hooggeregshof in 2019 in Rakgase se guns beslis het:

Die Namibiese bokser Jonas Junias Jonas het vir die Olimpiese Spele gekwalifiseer maar, hy is tans in aanhouding met klagte van poging tot moord teen hom. Die Hoof Administrateur van die Namibiese Sport Kommissie Freddy Mwiya wou nie kommentaar lewer oor of Jonas wel die Spele sal bywoon nie. Hy meen dit is te vroeg om te bepaal en die kommissie wag nog vir amptelike korrespondensie in die verband. Maar, hy het gesê dat atlete beter ondersteuning nodig het.

Terug: Jonas is in aanhouding in Swakopmund tot sy volgende verskyning op 5 Mei. 

Regskenners het hulle mening oor die saak van hoogverraad wat deur die Hoof van President Hage Geingob se sekuriteit Johan Ndjaronguru teen Bernadus Swartbooi en Henny Seibeb van die LPM gemaak is. Volgens Professor Nico Horn, het hoogverraad verskeie vereistes. Hy verduidelik.

Intussen sal ‘n Staande Komitee op Reëls en Interne Reëlings vandag die lot van Bernadus Swartbooi end Henny Seibeb bespreek. Die twee LPM lede het onttrek uit die kamer tot die komitee sy beslissing maak. Die party beplan Woensdag ‘n protes optog van die party se hoofkwartiere tot by die Nasionale Vergadering ter ondersteuning van die twee party-leiers.