Sokker: Zambiese vrouespan kry loesing van Japan

Sokker: Die Zambiese sokkerspan het ‘n teleurstellende debuut by die sokkerwêreldbeker vir vroue gemaak, toe hulle met 0-5 teen Japan vasgeval het. Die Groep C-wedstryd is in Hamilton in Nieu-Seeland beslis. In Brisbane in Australië het Engeland ‘n fel aanslag van Haïti afgeweer, om uiteindelik met 1-0 te seëvier. Die verdedigende kampioen, Amerika, het Viëtnam op Eden Park met 3-0 afgeransel, terwyl Denemarke China met 1-0 geklop het, danksy ‘n doel in die doodsnikke van die wedstryd in Perth.