Heja Lodge sluit sy deure

Die gewilde Heja Game Lodge, geleë oos van Windhoek, is verkoop en sal Saterdag sy deure sluit. Volgens ‘n kennisgewing aan kliënte word bevestig dat die lodge permanent sal sluit. Kosmos 94.1 Nuus het met personeellede by die lodge gepraat, wat sê geen bestuurder is beskikbaar vir kommentaar nie, maar het bevestig dat dit verkoop is en sal sluit. Hulle kon geen verdere inligting deel oor wie die nuwe eienaars is of oor die toekoms van die lodge nie.