Twee dood, 10 beseer na brand in restaurant in Madrid

Twee mans is dood en 10 ander is beseer ná ‘n brand by ‘n restaurant in die Spaanse hoofstad, Madrid, het nooddienste bevestig. Die brand het by die Italiaanse Burro Canaglia-restaurant in die sentrale woonbuurt Salamanca, ontstaan. ‘n Ooggetuie het gesê die brand het ontstaan nadat ‘n kelner besig was om ‘n dis te flambé toe die vlamme die plafon en mure aan die brand gesteek het. Restaurant-gangers het gesukkel om te vlug toe die brand naby die hoof-uitgang ontstaan het, het die nooddienste gesê.