Vat Kremlin se olie-besnoeiing met ‘n knippie sout – kenner

Die bekende beleggingsekonoom Dawie Klopper sê aanmerkings deur Rusland dat hy in Maart sy daaglikse olieproduksie met 500 000 vate sal verminder, moet met ‘n knippie sout geneem word. Die aankondiging is deur die land se adjunk-eerste minister, Alexander Novak, gemaak. Brent se prys het met 2 Amerikaanse dollar ‘n vat gespring met die aankondiging maar het nou effe teruggesak en verhandel net bo 85 dollar ‘n vat. Klopper sê die Kremlin het al die inkomste nodig wat hy kan kry.