Etzebeth ‘speel dalk’ teen All Blacks

Rugby: Eben Etzebeth kan steeds in Saterdag se Rugbykampioenskapstoets vir die Springbokke teen die All Blacks op Ellispark speel ten spyte daarvan dat hy weens ‘n knie wat lol uit die wedstrydgroep weggelaat is. Pieter-Steph du Toit is as nommer 4-slot ingesluit en sal saam met Ruan Nortjé sak. Hoofafrigter, Rassie Erasmus, sê egter Etzebeth, ‘n veteraan van 124 toetse, kan in die plek van een van die plaasvervanger-losvoorspelers, Kwagga Smith, Marco van Staden en Elrigh Louw, speelkans kry.