Junior tafeltennis groei sterk in skole

Die Namibiese Tafeltennisvereniging het sy vyfde Arysteq Asset Management en Simonis Storm toernooi vir skole by Wanderers in Pionierspark aangebied. Die 50 juniors het in verskillende ouderdomsgroepe vanaf onder-11 tot onder-19 deelgeneem. Caden Bosman het dubbel goud gewen in die onder-17 en onder-19 seuns-groepe, en Cadence Farmer het dieselfde prestasie behaal in die onder-17 en onder-19 meisies groepe. Tafeltennis is besig om goed te groei en daar was 31 inskrywings in die seuns-groepe en 19 in die meisies-afdeling.