Industriële bouplanne beter as in 2022

Sewe kommersiële en industriële bouplanne ter waarde van 10,5 miljoen Namibiese dollar is gedurende September deur die Stad Windhoek goedgekeur. Dit bring die jaar-tot-datum goedkeurings in hierdie sektor tot 43 planne, ter waarde van 229,2 miljoen dollar. IJG Securities sê dit verteenwoordig ‘n 19.4 persent toename in getal terme in vergelyking met dieselfde tyd verlede jaar, en ‘n 59.0 persent jaar-tot-jaar toename in geldwaarde. Twee kommersiële en industriële bouplanne, ter waarde van 28,5 miljoen dollar, is in September voltooi.