Eskom bly braaf in bibberweerJune 29, 2025

Eskom sê die kragnetwerk bly bestendig en veerkragtig ten spyte van verhoogde vraag as gevolg van die koue weer. Voldoende noodreserwes is beskikbaar en word strategies ontplooi gedurende spitstye. Eskom beplan om teen Maandagaand 2 450 megawatt beskikbaar te stel. Eskom se woordvoerder, Daphne Mokoena, sê dieselverbruik sal afneem namate meer eenhede se langtermyn-herstelwerk voltooi word. Beurtkrag is onwaarskynlik tensy onbeplande onderbrekings 13 000 megawatt oorskry.