Miljoene se dwelms oor twee jaar gevindJune 26, 2025

Dit is vandag die Internasionale Dag Teen Dwelmmisbruik en Onwettige Handel. Die Namibiese polisie sê hy het in 2023 beslag gelê op net meer as 49 miljoen Namibiese dollar se dwelms en 1 641 verdagtes gearresteer. Onder die dwelms was 40 miljoen dollar se dagga en 7 miljoen dollar se kokaïenpoeier. In 2024, is amper 57 miljoen dollar se dwelms gevind. Dagga ter waarde van 44 miljoen dollar is gekonfiskeer en 5 miljoen dollar se kokaïen ook. Daar is 1 623 verdagtes gearresteer. In beide 2023 en 2024 het Namibiërs die meerderheid van verdagtes uitgemaak.