Gholf: Storms, weerlig stuit Amerikaanse Ope June 14, 2025

Die tweede ronde van die Amerikaanse Ope by Oakmont, Pennsilvanië, is weens storms en weerlig opgeskort. Thriston Lawrence van Suid-Afrika was op 4-oor in sy ronde na 17 putjies en 1-oor vir die toernooi toe spel gestaak is. Spel hervat vandag, voor die afsnypunt gefinaliseer word. Sam Burns, wat steeds voorloop, het die oggend 5-onder-65 aangeteken en die leiding geneem op 3-onder, een voor J.J. Spaun en twee voor Viktor Hovland.