Tsumeb se smelter staak eers bedrywighedeJune 6, 2025

Die Sinomine Tsumeb Smelter sal bedrywighede tydelik opskort en die aanleg onder sorg en onderhoud plaas weens uitdagende wêreldwye marktoestande. Die uitvoerende hoof Loggan Lou sê verhoogde smeltkapasiteit in groot koperproduserende streke het gelei tot wêreldwye oorkapasiteit. Dit het ‘n tekort aan koperkonsentraat veroorsaak, wat weer druk op smelters regoor die wêreld plaas, insluitend Tsumeb. Hy sê dalende raffineringskoste ondermyn volhoubaarheid. Die maatskappy beoog om algehele koste met 30 tot 40 persent te verminder en daar is ‘n vrywillige skeidingsprogram vir werknemers ingestel.