Goeie reënval duur dalk voort volgende somerJune 4, 2025

Dinge lyk ietwat positief vir die 2025/26-reënseisoen. Huidige voorspellings dui op ‘n hoë waarskynlikheid dat ENSO-neutrale toestande deur die winter en vroeë somer, dus tot Oktober vanjaar sal voortduur, met ‘n geleidelike verskuiwing na óf ‘n neutrale óf La Niña-fase daarna. La Niña bring reën in Namibië terwyl El Niño droëer toestande veroorsaak. Die onsekerheid neem toe met langer tydsberekening maar El Niño bly onwaarskynlik. Daar is tans ‘n 41 persent kans op La Niña vir November 2025 – Januarie 2026, met ‘n laer kans, onder 15 persent dat El Niño sal ontwikkel.