Gewapende rowers teiken weer ‘n vulstasieApril 28, 2025

Gewapende rowers het na bewering weer by ‘n vulstasie toegeslaan en weggekom met ‘n groot bedrag kontant. ‘n Groep van vyf gewapende mans het vanoggend by die Namcor-vulstasie naby die A. Shipena-skool in Katutura ingestorm en sowat 100 000 Namibiese dollar gebuit. Inligting is nog skraps ten spyte van CCTV-beeldmateriaal, en pogings om kommentaar van die polisie te kry was tot dusver onsuksesvol. Dit is ‘n ontwikkelende storie en meer inligting sal gedeel word sodra dit ontvang word.