Amerikaanse gesant, Putin praat oor Oekraïne vredesooreenkomsApril 12, 2025

Amerikaanse president Donald Trump se spesiale gesant, Steve Witkoff, het met Russiese president Vladimir Putin in St. Petersburg vergader om ʼn vredesooreenkoms te bespreek. Dit kom terwyl Trump sê Rusland moet begin werk om die oorlog te beëindig. Putin is op staatstelevisie gesien waar hy Witkoff in St. Petersburg se presidensiële biblioteek ontmoet voor die onderhandelinge begin. Die staat se nuusagentskappe berig die gesprekke het meer as vier ure geduur. Die Kremlin sê in ʼn verklaring die onderhandelinge het verskeie aspekte van ʼn vredesooreenkoms in Oekraïne gedek.