Witkoff sê vrede in Europa kan binne weke gehaal word March 20, 2025

Die Amerikaanse afgevaardigde Steve Witkoff sê tegniese besprekings oor ‘n moontlike ooreenkoms om die Rusland-Oekraïne-oorlog te beëindig, sal Maandag in Saoedi-Arabië begin. Hy meen ‘n wapenstilstandsooreenkoms kan binne ‘n paar weke bereik word. Hy het vertroue uitgespreek in die voortgesette onderhandelings na ‘n telefoongesprek tussen die Amerikaanse president Donald Trump en Vladimir Putin. Witkoff het nie besonderhede oor die onderhandelings in Saoedi-Arabië gegee nie, maar sê dit is tyd vir die tegniese spanne om die besonderhede te finaliseer met almal wat die proses ondersteun.