Sokker: Manchester United beplan ‘wêreld se beste stadion’March 11, 2025

Manchester United het planne aangekondig om ‘n nuwe stadion met ‘n kapasiteit van 100 000 te bou wat volgens sy mede-eienaar Jim Ratcliffe, die wêreld se beste stadion sal wees. Die Premierliga-klub ondersoek of hulle die historiese Old Trafford-tuisveld moet herontwikkel of ‘n nuwe stadion in dieselfde area moet bou. Skaalmodelle en voorgestelde ontwerpe vir hoe die nuwe Old Trafford en omliggende gebied kan lyk, is vandag by die Londense hoofkwartier van die argitekte Foster en Partners onthul, nadat hulle in September aangestel is om die stadiondistrik te ontwerp.