Maasbanker-, stokvis-kwotas oop vir boddeFebruary 13, 2025

Die ministeries van finansies en visserye nooi gesamentlik bieërs uit om te bie vir onderskeidelik 5 000 metrieke ton stokvis en 23 708 metrieke ton maasbanker. Bodde moet in verseëlde koeverte by die finansministerie se hoofkantoor in Windhoek ingedien word teen 10-uur op 28 Februarie. Die veiling volg op verlede jaar se verkoping, waarin die regering 13 584 ton maasbanker en 1 000 ton se monnikvis aangebied het. Die kabinet het ‘n totale toelaatbare vangs van 270 000 metrieke ton maasbanker in die 2024-visseisoen goedgekeur.