Drikus is vyfde in AtlasbergwedrenFebruary 10, 2025

Namibië se ultra-fietsryer Drikus Coetzee was teen half-nege Sondagaand in die vyfde plek in die uitmergelende 1 350 kilometer Atlasbergwedren in Marokko. Hy het 701 kilometer afgelê sedert die wegspring Vrydag in Marrakesh. Die ander Namibiër, Pierre Lambert, is na sowat 420 kilometer afgelê in die 43ste plek. Coetzee het ver veld gewen sedert Saterdagmiddag, toe hy op ‘n stadium 56ste was. Die wedren eindig komende Saterdag in die hawedorp Essaouira.