Klein mosiehof-rol vanoggend, N$14,3m geëis

Die mosiehof het ‘n klein rol vanoggend hanteer met 60 aansoeke vir verstekvonnisse waarvan agt op die reël 108-rol was. Regters Doris Hans Kaumbi en Nate Ndauendapo het die sessies hanteer. Kommersiële banke het 28 aansoeke gebring en eis 11 eiendomme met skuld van 8,8 miljoen Namibiese dollar op. Daar is 17 lenings ter waarde van 5,5 miljoen dollar wat ook onmiddellik betaalbaar is. In Maandag se sessie hanteer regter Thomas Masuku 56 onverdedigde egskeidings.