Windhoek-verkeer redelik ondoeltreffend, vaar nie te sleg op peiling nie

Numbeo sê Windhoek se verkeer vaar eintlik goed. Uit 11 Afrika-stede wat gepeil is, is Windhoek tiende geplaas. Die stad met die hoogste verkeersindeks is Lagos met 365,9. Bestuurders ry 70 minute werk toe en die ondoeltreffenheidsindeks is op 491,7. Dit is ook wêreldwyd die stad met die hoogste indeks. Windhoekers ry 23,7 minute werk toe en die ondoeltreffendheid van die stelsel is op 180,3. In die buurland is Pretoria vierde slegste, met Kaapstad vyfde, gevolg deur Johannesburg. Durban is die beste op die vasteland met 25,5 minute werk toe en ‘n ondoeltreffendheidsindeks van 119,1.