Beheer Mosambiek-grens beter, vra Afriforum

AfriForum moedig die Suid-Afrikaanse Grensbestuursowerheid en wetstoepassingsagentskappe aan om pogings te verskerp teen mense wat die grens tussen Mosambiek en Suid-Afrika onwettig oorsteek. Mosambiek loop deur onder geweld en ontwrigtende betogings ná sy omstrede verkiesing in Oktober verlede jaar. Jacques Broodryk van AfriForum sê Suid-Afrika moet ʼn veelvlakkige benadering toepas om die krisis te hanteer. Dit sluit in dat sekerheid by alle grensposte verskerp word.